أسباب إحباط الناس من الطب النفسي ايه؟ (رقم ٦ ستدهشك
)
)١. الصورة اللي بتنقلها السوشيال ميديا او الافلام والمسلسلات زي الزفت.
٢. محدش بيدور في مصادر موثوقة ويحاول يفهم.
٣. التوقعات الغير واقعية وانت رايح للدكتور. الدكتور مش ساحر، مش من أول جلسة هترتاح.
٤. مش شرط العلاج يكون بجلسات نفسية اصلا. واوقات كتير بنحتاج نبدأ أدوية لفترة قبل جلسات العلاج النفسي أو الاتنين مع بعض.
٥. جلسات العلاج النفسي أنواع كتير وبت target حاجات مختلفة. ممكن الجلسات تبقى skills معينة بنتعلمها او أفكار غلط بنصححها، طرق للتأقلم مثلا، التحكم في المشاعر، الخ الخ.
٦. جلسات العلاج النفسي مش بننام عالشيزلونج نفضفض ونحكي وجو خالد الصاوي واحمد حلمي بتاع يلا ان شالله اموت في هواك انشالله.
٧. اه بالمناسبة مفيش شيزلونج في اغلب العيادات ومش محتاجينه اصلا.
٨. الدوا النفسي: مبيسوأش الدنيا، مش بيعمل ادمان، أعراضه الجانبية بسيطة ومؤقتة، مش هتتعود عليه، ومش لازم تفضل ماشي عليه طول حياتك، على حسب ايه التشخيص وشدته وعدد نوبات المرض ومدته أد ايه.
“مش عايز اخد دوا عشان بيلعب في كيميا المخ”
هو ده المطلوب يا فندم، الاضطرابات النفسية اساسها كيميائي فلازم أدوية تشتغل على كيميا المخ، اكيد مش هنتعالج بأدوية بتشتغل على كيميا البنكرياس مثلا.
٩. ليه في ناس تجربتها سيئة مع العلاج؟
– امراض كتير بتخلي الواحد معندوش insight او إدراك انه مريض اصلا، وبالتالي مش بسهولة بيقتنع او يرتاح لكلام الدكاترة.
– العلاج الدوائي بيحتاج اسبوعين على الأقل على ما يشتغل، مش قرص بروفين هو للأسف.
– مش لازم ترتاح مع أول دكتور، لو مرتاحتش غيره.
١٠. جلسات الكهربا مش زي الافلام.
دي جلسات لتنظيم إيقاع المخ وليها دواعي محددة (من أهمها ال suicidality)، ولا مبنحطش العيان في الفيشة.
بتبقى نبضات مدتها ثواني على المخ، وتحت تخدير كامل (زي تخدير العمليات) تحت اشراف دكتور تخدير.
مش بتدمر خلايا المخ لا، وأأمن من الادوية لدرجة اننا بنديها للحوامل.
١١. الصلاة والطبطبة والفضفضة كلها كلام جميل وبيساعد، بس مش بيعالج يا جماعة. مش بيصلح كيميا المخ.
الحاجات دي زي ما هي مبتعالجش السكر والضغط، مش هتعالج مرض نفسي.
١٢. العلاج النفسي عموما process وبتحتاج وقت و commitment، بس بيجيب نتايج هايلة والناس فعلا حياتها بتختلف، وانا شخصيا من الناس اللي حياتها اختلفت ١٨٠ درجة.
njsnzkkaol